Vivimos nuns tempos difíciles para a revolución.
Os rapaces non pensan máis que en ver a televisión… Pero que nos ofrece hoxe en día a "caixa tonta"?
Hoxe en día, na televisión atopamos en xeral dous de programas: programas do corazón e series con alto contido en sexo e drogas.
Podería asegurar, que os que máis audiencia teñen son os programas do corazón, por iso de que agora moitas cadeas están infestadas deles (que si Sálvame pola mañá, que si o medio día, que si pola tarde, que si pola noite, que si o Diario de Patricia ou as mañás en non sei que cadea). O tipo de debates que hoxe se levan acabo, son aqueles que tratan sobre os famosos e as súas vidas.
O segundo tipo de programa máis visto, son as series con altos contidos en sexo e drogas. E é a iso ó que hoxe en día aspiran a maioría dos xovenes: estar no instituto, “tirarse” o 90% da poboación (se dentro do porcentaxe entra profesores, mellor que mellor), as rapazas quedar embarazadas, ser nais os 17, e non acabar os estudios, vivir dos pais mentres se poida e logo… e logo que?
Outro punto importante e relacionado con isto é cando a un rapaz ou unha rapaza lle preguntas sobre política, sabes que responden? “- Eu diso non entendo, nin quero entender, a min a política non me interesa” . Que a política non che interesa? A onde estamos chegando. A sociedade de hoxe en día esta quedando tan escasa de interés… a xente xa lle da igual como vivir, que tipo de sistema teñamos, mentres teñan comida, sexo e algún que outro día, un bo rato con alcohol ou drogas, eles son felices. Que máis dá quen nos goberne?
Pero bueno, claro, de vez en cando tamén oes o de “-Tal político é un gilipollas”, e preguntas ti “por que?” e non saben que contestar, pois son cousas que escoitaron na amiga “caixa parva”. Os rapaces de hoxe en día xa non teñen un pesamento propio, senón que unha pequena parte da nosa sociedade inculcalles un pensamento único, e así conseguen acabar coa revolución do pobo, así conseguen rematar cos dereitos, e co intento de buscar sociedades mellores diferentes a que temos hoxe en día, atopan así a forma de facer que o seu sistema perdure, porque a ninguén se lle ocorre dicir un “BASTA XA” a ninguén se lle ocorre propoñer un cambio, porque os cerebros están xa lavados. Os poucos que quedan, xa non atopan forma de facer que a cousa siga adiante, xa non atopan o camiño da revolución.
